ਲੇਬਰ ਚੌਂਕ ਵਿੱਚ ਮਿਸਤਰੀਆਂ ਅਤੇ ਮਜ਼ਦੂਰਾਂ ਨੇ ਕਾਰਲ ਮਾਰਕਸ ਦਾ 207ਵਾਂ ਜਨਮ ਦਿਨ ਮਨਾਇਆ।

ਸਮਰਾਲਾ, 05 ਮਈ (ਵਰਿੰਦਰ ਸਿੰਘ ਹੀਰਾ) ਅੱਜ ਸਮਰਾਲਾ ਦੇ ਲੇਬਰ ਚੌਂਕ ਵਿੱਚ ਰਾਜ ਮਿਸਤਰੀ ਮਜ਼ਦੂਰ ਯੂਨੀਅਨ ਦੇ ਪ੍ਰਧਾਨ ਕਾਮਰੇਡ ਭਜਨ ਸਿੰਘ ਦੀ ਅਗਵਾਈ ਹੇਠ ਕਾਰਲ ਮਾਰਕਸ ਦਾ 207ਵਾਂ ਜਨਮ ਦਿਨ ਮਨਾਇਆ ਗਿਆ। ਜਿਸ ਵਿੱਚ ਕਿਰਤੀ ਕਾਮਿਆਂ ਤੋਂ ਇਲਾਵਾ ਕਿਸਾਨਾਂ, ਮਜ਼ਦੂਰਾਂ ਅਤੇ ਬੁੱਧੀਜੀਵੀਆਂ ਨੇ ਭਾਗ ਲਿਆ। ਇਸ ਮੌਕੇ ਇਕੱਤਰ ਮਜ਼ਦੂਰਾਂ ਨੂੰ ਕਾਰਲ ਮਾਰਸ ਦੇ ਜੀਵਨ ਸਬੰਧੀ ਚਾਨਣਾ ਪਾਉਂਦੇ ਹੋਏ ਕਾਮਰੇਡ ਭਜਨ ਸਿੰਘ ਨੇ ਕਿਹਾ ਕਿ ਕਾਰਲ ਮਾਰਸ ਦਾ ਜਨਮ 5 ਮਈ 1818 ਨੂੰ ਹੋਇਆ। ਜਿਸਨੂੰ ਜਰਮਨ ਫਿਲਾਸਫਰ ਕਿਹਾ ਜਾਂਦਾ ਹੈ। ਉਹ 64 ਸਾਲ 10 ਮਹੀਨੇ 9 ਦਿਨ ਦੀ ਉਮਰ ਭੋਗ ਕੇ 14 ਮਾਰਚ 1883 ਨੂੰ ਸੰਸਾਰ ਨੂੰ ਅਲਵਿਦਾ ਕਹਿ ਗਿਆ। ਉਸਨੇ ‘ਕਮਿਊਨਿਸਟ ਮੈਨੀਫੈਸਟੋ’ ਚਾਰ ਵਾਲਿਊਅਮ ਵਿੱਚ ਥੀਸਸ ਲਿਖਿਆ। ਜਿਸ ਵਿੱਚ ਉਸਨੇ ਕਿਹਾ ਕਿ ਸਮਾਜ ਵਿੱਚ ਦੋ ਜਮਾਤਾਂ ਕੰਮ ਕਰਦੀਆਂ ਹਨ, ਇੱਕ ਲੋਟੂ ਟੋਲਾ, ਜਿਸਨੂੰ ਬੁਰਜਨਾ ਅਤੇ ਦੂਜੀ ਲੁੱਟੇ ਜਾਣ ਵਾਲੀ ਕਿਰਤੀ ਸ਼ੇ੍ਰਣੀ ਨੂੰ ਪਰੋਲਤਾਰੀ ਆਖਦੇ ਹਨ। ਇਨ੍ਹਾਂ ਦਾ ਆਪਸ ਵਿੱਚ ਸੰਘਰਸ਼ ਚੱਲਦਾ ਰਹਿੰਦਾ ਹੈ ਅਖੀਰ ਵਿੱਚ ਜਿੱਤ ਪਰੋਲਤਾਰੀਆਂ ਦੀ ਹੁੰਦੀ ਹੈ ਅਤੇ ਕਲਾਸਲੈਸ ਜਮਾਤ ਦੀ ਸਿਰਜਣਾ ਹੁੰਦੀ ਹੈ। ਉਨ੍ਹਾਂ ਅੱਗੇ ਕਿਹਾ ਕਿ ਹੁਣ ਲੁੱਟੇ ਜਾਣ ਵਾਲੀ ਜਮਾਤ ਨੂੰ ਆਪਣੇ ਹੱਕਾਂ ਲਈ ਹੋਰ ਜਾਗਰੂਕ ਹੋਣਾ ਪਵੇਗਾ, ਇਹ ਹੱਕ ਕੇਵਲ ਸੰਘਰਸ਼ਾਂ ਨਾਲ ਹੀ ਮਿਲਦੇ ਹਨ। ਅੱਜ ਦਾ ਸਮਾਂ ਇਕੱਠੇ ਹੋਣ ਦਾ ਹੈ, ਜੇਕਰ ਕਿਰਤੀ ਵਰਗ ਇਕੱਠਾ ਹੋ ਜਾਵੇ ਤਾਂ ਮੁੜ ਵੱਡੀ ਕ੍ਰਾਂਤੀ ਆਉਣੀ ਨਿਸਚਤ ਹੈ। ਇਸ ਮੌਕੇ ਉਪਰੋਕਤ ਤੋਂ ਇਲਾਵਾ ਕਸ਼ਮੀਰਾ ਸਿੰਘ ਸਮਰਾਲਾ, ਗੁਰਜੰਟ ਸਿੰਘ ਢੀਂਡਸਾ, ਦਲਵਾਗ ਸਿੰਘ ਬਾਗੀ, ਸਿਕੰਦਰ ਸਿੰਘ, ਕਮਲਜੀਤ ਸਿੰਘ, ਜੀਵਣ ਸਿੰਘ ਬੰਬ, ਬਲਵੰਤ ਸਿੰਘ, ਪਰਮਜੀਤ ਸਿੰਘ, ਬਲਜਿੰਦਰ ਸਿੰਘ, ਪਰਵੇਸ਼ ਕੁਮਾਰ, ਸੋਹਣ ਸਿੰਘ ਕੋਟਾਲਾ, ਜਸਵੀਰ ਸਿੰਘ ਸਮਸ਼ਪੁਰ, ਸੁਖਵੰਤ ਸਿੰਘ ਸਮਰਾਲਾ, ਜਰਨੈਲ ਸਿੰਘ ਘੁਲਾਲ, ਗੁਰਲਾਲ ਸਿੰਘ ਸਮਸ਼ਪੁਰਪੁਰ, ਨਵੀ ਖੱਟੜਾਂ ਆਦਿ ਤੋਂ ਇਲਾਵਾ ਹੋਰ ਵੀ ਰਾਜ ਮਿਸਤਰੀ ਅਤੇ ਮਜ਼ਦੂਰ ਯੂਨੀਅਨਾਂ ਦੇ ਸਾਥੀ ਹਾਜ਼ਰ ਸਨ।

ਭਾਕਿਯੂ (ਲੱਖੋਵਾਲ) ਵੱਲੋਂ ਟਿਕੈਤ ’ਤੇ ਹੋਏ ਹਮਲੇ ਦੀ ਸਖਤ ਸ਼ਬਦਾਂ ਵਿੱਚ ਨਿੰਦਾ।

ਐਸ.ਕੇ.ਐਮ. ਆਗੂ ਰਾਕੇਸ਼ ਟਿਕੈਤ ਉਪਰ ਸੰਘੀ ਗੁੰਡਿਆਂ ਵੱਲੋਂ ਹਮਲਾ ਕਦੇ ਬਰਦਾਸਤ ਨਹੀਂ ਕੀਤਾ ਜਾਵੇਗਾ- ਮਨਜੀਤ ਸਿੰਘ ਢੀਂਡਸਾ

ਸਮਰਾਲਾ, 5 ਮਈ ( ਵਰਿੰਦਰ ਸਿੰਘਹੀਰਾ ) ਬੀਤੇ ਦਿਨੀਂ ਮੁਜੱਫਰਨਗਰ (ਯੂ.ਪੀ.) ਵਿਖੇ ਉੱਥੋਂ ਦੀ ਯੋਗੀ ਸਰਕਾਰ ਵੱਲੋਂ ਸ਼ਾਂਤਮਈ ਆਪਣੀਆਂ ਹੱਕੀ ਮੰਗਾਂ ਸਬੰਧੀ ਸੰਘਰਸ਼ ਕਰ ਰਹੇ ਕਿਸਾਨਾਂ ਉਪਰ ਲਾਠੀਚਾਰਜ ਕੀਤਾ ਹੈ ਅਤੇ ਇਸੇ ਦੌਰਾਨ ਭਾਜਪਾ ਦੇ ਅੰਧ ਭਗਤਾਂ ਵੱਲੋਂ ਕਿਸਾਨ ਆਗੂ ਰਾਕੇਸ਼ ਟਿਕੈਤ ਦੀ ਪੱਗ ਲਾਹੀ ਗਈ ਉਸਦੀ ਭਾਰਤੀ ਕਿਸਾਨ ਯੂਨੀਅਨ (ਲੱਖੋਵਾਲ) ਸਖਤ ਸ਼ਬਦਾਂ ਵਿੱਚ ਨਿੰਦਾ ਕਰਦੀ ਹੈ, ਇਨ੍ਹਾਂ ਸ਼ਬਦਾਂ ਦਾ ਪਗ੍ਰਟਾਵਾ ਮਨਜੀਤ ਸਿੰਘ ਢੀਂਡਸਾ ਪ੍ਰਧਾਨ ਜ਼ਿਲ੍ਹਾ ਲੁਧਿਆਣਾ ਭਾਰਤੀ ਕਿਸਾਨ ਯੂਨੀਅਨ (ਲੱਖੋਵਾਲ) ਨੇ ਪ੍ਰੈਸ ਨਾਲ ਗੱਲਬਾਤ ਕਰਦੇ ਹੋਏ ਕੀਤਾ। ਉਨ੍ਹਾਂ ਅੱਗੇ ਕਿਹਾ ਕਿ ਇਸ ਹਮਲੇ ਨਾਲ ਭਾਜਪਾ ਦਾ ਕਿਸਾਨ ਵਿਰੋਧੀ ਚਿਹਰਾ ਨੰਗਾ ਹੋਇਆ ਹੈ। ਟਿਕੈਤ ਦੇ ਸਿਰ ਉੱਤੇ ਬੰਨੀ ਪੱਗ ਗੁਰੂ ਘਰ ਦੀ ਬਖਸ਼ਿਸ਼ ਹੈ, ਭਾਜਪਾਈ ਹੁੱਲੜਬਾਜਾਂ ਨੇ ਉਨ੍ਹਾਂ ਦੇ ਸਿਰ ਉੱਤੋਂ ਪੱਗ ਲਾਹ ਕੇ ਗੁਰੂ ਦੀ ਬਖਸ਼ਿਸ਼ ਦਾ ਘੋਰ ਅਪਮਾਨ ਕੀਤਾ ਹੈ, ਜਿਸ ਨਾਲ ਸਿੱਖਾਂ ਦੇ ਹਿਰਦੇ ਵਲੂੰਧਰੇ ਗਏ ਹਨ। ਯੂ. ਪੀ. ਸਰਕਾਰ ਅਜਿਹੀ ਹਰਕਤ ਕਰਨ ਵਾਲੇ ਹੁੱਲੜਬਾਜਾਂ ਵਿਰੁੱਧ ਕਾਨੂੰਨੀ ਕਾਰਵਾਈ ਕਰੇ। ਉਨ੍ਹਾਂ ਅੱਗੇ ਕਿਹਾ ਕਿ ਹੁਣ ਭਾਜਪਾ ਦੇ ਰਾਜ ਵਿੱਚ ਆਪਣੇ ਹੱਕ ਮੰਗਣ ਵਾਲਿਆਂ ਉੱਤੇ ਲਾਠੀਚਾਰਜ ਕਰਨੇ ਆਮ ਗੱਲ ਹੋ ਗਈ ਹੈ, ਭਾਜਪਾ ਸੋਚ ਰਹੀ ਹੈ ਕਿ ਉਹ ਜਬਰ ਕਰਕੇ ਹੱਕ ਮੰਗਣ ਵਾਲਿਆਂ ਨੂੰ ਦਬਾਅ ਲਵੇਗੀ। ਟਿਕੈਤ ਇਕ ਰਾਸ਼ਟਰੀ ਕਿਸਾਨ ਆਗੂ ਹੈ, ਇਸ ਲਈ ਯੂ. ਪੀ. ਸਰਕਾਰ ਘਟਨਾ ਵਿੱਚ ਸ਼ਾਮਲ ਮੁਲਜ਼ਮਾਂ ਉਪਰ ਬਾਈਨੇਮ ਪਰਚਾ ਕੀਤਾ ਜਾਵੇ। ਉਨ੍ਹਾਂ ਕੇਂਦਰ ਦੀ ਭਾਜਪਾ ਸਰਕਾਰ ਨੂੰ ਚਿਤਾਵਨੀ ਵੀ ਦਿੱਤੀ ਕਿ ਭਾਜਪਾ ਅਜਿਹੇ ਹੱਥਕੰਢੇ ਅਪਣਾਉਂਣੇ ਬੰਦ ਕਰਕੇ ਕਿਸਾਨਾਂ ਦੀਆਂ ਮੰਗਾਂ ਵੱਲ ਸੰਜੀਦਗੀ ਨਾਲ ਧਿਆਨ ਦੇਵੇ, ਜੇਕਰ ਭਾਰਤ ਦੇ ਕਿਸਾਨਾਂ ਨੇ ਮੁੜ ਭਾਜਪਾ ਵਿਰੁੱਧ ਆਪਣਾ ਮੋਰਚਾ ਖੋਲ ਦਿੱਤਾ ਤਾਂ ਇਸ ਵਾਰੀ ਕਿਸਾਨ ਆਪਣੇ ਹੱਕੀਆਂ ਮੰਗਾਂ ਲਈ ਜਾਨਾਂ ਵਾਰਨ ਤੋਂ ਪਿੱਛੇ ਨਹੀਂ ਹਟਣਗੇ।

ਕੋ

ਬੀ.ਐਡ. ਅਧਿਆਪਕ ਫਰੰਟ ਵੱਲੋਂ ਅਧਿਆਪਕ ਨੂੰ ਮੁਅੱਤਲ ਕਰਨ ਦੀ ਨਿਖੇਧੀ।

ਸਕੂਲਾਂ ਵਿੱਚ ਬੱਚਿਆਂ ਨੂੰ ਦਿੱਤੀ ਜਾਂਦੀ ਨੈਤਿਕ ਸਿੱਖਿਆ ਨੂੰ ਵੇਟਰਾਂ ਨਾਲ ਤੁਲਨਾ ਕਰਨਾ ਅਤਿ ਨਿੰਦਣਯੋਗ – ਮੰਡ

ਸਮਰਾਲਾ, 05 ਮਈ ( ਸ ਨ ਬਿਊਰੋ ) ਅੱਜ ਬੀ.ਐਡ. ਅਧਿਆਪਕ ਫਰੰਟ ਇਕਾਈ ਸਮਰਾਲਾ ਦੀ ਇਕੱਤਰਤਾ ਬਲਾਕ ਪ੍ਰਧਾਨ ਹਰਮਨਦੀਪ ਸਿੰਘ ‘ਮੰਡ’ ਦੀ ਪ੍ਰਧਾਨਗੀ ਹੇਠ ਹੋਈ। ਮੀਟਿੰਗ ਵਿੱਚ ਪੰਜਾਬ ਸਰਕਾਰ ਵੱਲੋਂ ਜ਼ਿਲ੍ਹਾ ਤਰਨਤਾਰਨ ਦੇ ਅਧਿਆਪਕ ਗੁਰਪ੍ਰਤਾਪ ਸਿੰਘ ਨੂੰ ਮੁਅੱਤਲ ਕੀਤੇ ਜਾਣ ਦੀ ਸਰਕਾਰੀ ਕਾਰਵਾਈ ਦੀ ਪੁਰਜ਼ੋਰ ਨਿਖੇਧੀ ਕੀਤੀ ਗਈ। ਸਕੂਲਾਂ ਵਿੱਚ ਪੰਜਾਬ ਸਰਕਾਰ ਵੱਲੋਂ ਉਦਘਾਟਨ ਸਮਾਰੋਹ ਦੌਰਾਨ ਵਿਦਿਆਰਥੀਆਂ ਵੱਲੋਂ ਕੀਤੇ ਜਾ ਰਹੇ ਸਹਿਯੋਗ ਨੂੰ ‘ਵੇਟਰ ਬੁਣਾਉਣ’ ਦੀ ਤੁਲਨਾ ਕਰਨਾ ਅਤਿ ਨਿੰਦਣਯੋਗ ਹੈ। ਉਦਘਾਟਨੀ ਸਮਾਰੋਹ ਲਈ ਜਾਰੀ ਕੀਤੀ ਜਾਂਦੀ ਗ੍ਰਾਂਟ ਨਾਲ ਤਾਂ ਇਕੱਲਾ ਨੀਂਹ ਪੱਥਰ ਹੀ ਬਣਦਾ ਹੈ। ਬਾਕੀ ਦੇ ਪ੍ਰਬੰਧਾਂ ਲਈ ਹਰੇਕ ਸਕੂਲ ਦਾ 25-30 ਹਜ਼ਾਰ ਰੁਪਏ ਅਧਿਆਪਕਾਂ ਦੀਆਂ ਜੇਬਾਂ ਵਿੱਚੋਂ ਖਰਚ ਹੁੰਦਾ ਹੈ। ਉਨ੍ਹਾਂ ਅੱਗੇ ਕਿਹਾ ਕਿ ਜਿੱਥੋਂ ਤੱਕ ਸਕੂਲ ਦੇ ਵਿਦਿਆਰਥੀਆਂ ਤੋਂ ਚਾਹ ਪਾਣੀ ਪਿਲਾਉਣ ਦੇ ਕੰਮ ਦਾ ਸਵਾਲ ਹੈ, ਇਸ ਨੂੰ ਵੇਟਰ ਮਜ਼ਦੂਰੀ ਨਾਲ ਜੋੜਨਾ ਅਧਿਆਪਕਾਂ ਅਤੇ ਵਿਦਿਆਰਥੀਆਂ ਦਾ ਅਪਮਾਨ ਕਰਨਾ ਹੈ। ਸਕੂਲ ਵਿੱਚ ਬੱਚਿਆ ਨੂੰ ਕਿਤਾਬਾਂ ਪੜ੍ਹਾਉਣ ਦੇ ਨਾਲ ਨਾਲ ਮਾਨਵੀਂ ਸਦਾਚਾਰਕ ਗੁਣ, ਨੈਤਿਕ ਕਦਰਾਂ ਕੀਮਤਾਂ ਸਿਖਾਉਣ ਲਈ ਅਧਿਆਪਕ ਆਪਣੇ ਵਿਦਿਆਰਥੀਆਂ ਨੂੰ ਆਪਣੇ ਬੱਚਿਆਂ ਵਾਂਗ ਪਿਆਰ ਕਰਦੇ ਹਨ। ਜਿਹੋ ਜਿਹੇ ਵਿਵਹਾਰ ਦੀ ਆਸ ਇਕ ਮਾਤਾ-ਪਿਤਾ ਘਰ ਵਿੱਚ ਆਪਣੇ ਬੱਚੇ ਤੋਂ ਚਾਹੁੰਦੇ ਹਨ। ਉਹੋ ਜਿਹਾ ਹੀ ਉਹਨਾਂ ਨੂੰ ਸਕੂਲਾਂ ਵਿੱਚ ਸਿਖਾਇਆ ਜਾਂਦਾ ਹੈ। ਹਰੇਕ ਅਧਿਆਪਕ, ਹਰੇਕ ਬੱਚੇ ਨੂੰ ਹਰ ਰੋਜ਼ ਇਹੀ ਸਿੱਖਿਆ ਦਿੰਦਾ ਹੈ ਕਿ ਘਰ ਆਏ ਮਹਿਮਾਨਾਂ ਨੂੰ ਚਾਹ ਪਾਣੀ ਪਿਲਾਉਣ ਵਿੱਚ ਆਪਣੇ ਮਾਂ-ਬਾਪ ਦੀ ਸਹਾਇਤਾ ਕਰਨੀ ਹੈ। ਜੇਕਰ ਅਜਿਹੀ ਸਿੱਖਿਆ ਦੇਣਾ ਜੁਰਮ ਬਣਦਾ ਹੈ ਤਾਂ ਸਰਕਾਰ ਦੁਆਰਾ ਸਾਰੇ ਹੀ ਅਧਿਆਪਕਾਂ ਨੂੰ ਮੁਅੱਤਲ ਕਰ ਦੇਣਾ ਚਾਹੀਦਾ ਹੈ। ਪਰ ਅਫਸੋਸ ਸਾਡੇ ਰਾਜਸੀ ਨੇਤਾਵਾਂ ਅਤੇ ਪ੍ਰਚਾਰਕਾਂ ਨੂੰ ਇਹ ਗੱਲਾਂ ਪਤਾ ਨਹੀਂ ਕਿਉਂ ਸਮਝ ਨਹੀਂ ਆਉਂਦੀਆਂ। ਇਕ ਪਾਸੇ ਤਾਂ ਸਰਕਾਰਾਂ, ਅਧਿਆਪਕਾਂ ਨੂੰ ਵਿਦੇਸ਼ਾਂ ਵਿੱਚ ਟਰੇਨਿੰਗਾਂ ਲਈ ਭੇਜਦੀ ਹੈ, ਜਿੱਥੇ ਬੱਚਿਆਂ ਵਿੱਚ ਮਾਨਵੀਂ ਗੁਣਾਂ ਦਾ ਵਿਕਾਸ ਕਰਨ ਲਈ ਉਹਨਾਂ ਦੀ ਹਰ ਰੋਜ਼, ਭਾਗੀਦਾਰੀ ਸਕੂਲ ਦੀ ਸਫ਼ਾਈ ਵਿੱਚ ਯਕੀਨੀ ਬਣਾਈ ਜਾਂਦੀ ਹੈ। ਮੀਟਿੰਗ ਦੇ ਅਖੀਰ ਵਿੱਚ ਮੀਟਿੰਗ ਵਿੱਚ ਸ਼ਾਮਲ ਅਧਿਆਪਕਾਂ ਨੇ ਪੰਜਾਬ ਸਰਕਾਰ ਵੱਲੋਂ ਸਕੂਲ ਮੁੱਖੀ ਅਧਿਆਪਕ ਗੁਰਪ੍ਰਤਾਪ ਸਿੰਘ ਨੂੰ ਤੁਰੰਤ ਬਹਾਲ ਕਰਨ ਦੀ ਪੁਰਜ਼ੋਰ ਮੰਗ ਕੀਤੀ ਗਈ। ਸੰਬੰਧਿਤ ਲੀਡਰਾਂ ਵੱਲੋਂ ਇਲੈਕਟ੍ਰੋਨਿਕ ਮੀਡੀਆ ਉੱਪਰ ਇਸ ਸਬੰਧੀ ਕੀਤੇ ਜਾਂਦੇ ਕੂੜ ਪ੍ਰਚਾਰ ਨੂੰ ਤੁਰੰਤ ਬੰਦ ਕੀਤਾ ਜਾਵੇ। ਨਹੀਂ ਤਾਂ ਅਧਿਆਪਕ ਜਥੇਬੰਦੀਆਂ ਵੱਲੋਂ ਸਰਕਾਰੀ ਜਬਰ ਵਿਰੁੱਧ ਤਿੱਖਾ ਸ਼ੁਰੂ ਕੀਤਾ ਜਾਵੇਗਾ।

ਮਠਾੜੂ ਪਰਿਵਾਰ ਨੂੰ ਸਦਮਾ, ਮਾਤਾ ਸੁਰਜੀਤ ਕੌਰ ਦਾ ਦੇਹਾਂਤ

ਸਮਰਾਲਾ, 01 ਮਈ ( ਵਰਿੰਦਰ ਸਿੰਘ ਹੀਰਾ) ਲੁਧਿਆਣਾ ਦੇ ਉਦਯੋਗਪਤੀ ਮਠਾੜੂ ਪਰਿਵਾਰ ਅਤੇ ਸੀਨੀਅਰ ਪੱਤਰਕਾਰ ਸਰਬਜੀਤ ਲੁਧਿਆਣਵੀ ਦੇ ਸਤਿਕਾਰਯੋਗ ਮਾਤਾ ਸੁਰਜੀਤ ਕੌਰ ਜੀ ਮਿਤੀ 26 ਅਪ੍ਰੈਲ ਨੂੰ ਆਪਣੀ ਸੰਸਾਰਿਕ ਯਾਤਰਾ ਪੂਰੀ ਕਰਦੇ ਹੋਏ ਸਦੀਵੀ ਵਿਛੋੜਾ ਦੇ ਗਏ ਹਨ। ਮਾਤਾ ਸੁਰਜੀਤ ਕੌਰ ਜੀ ਦੀ ਉਮਰ 90 ਸਾਲ ਸੀ । ਮਾਤਾ ਸੁਰਜੀਤ ਕੌਰ ਦੇ ਪਰਿਵਾਰ ਵਿੱਚ ਦੋ ਪੁੱਤਰ ਤੇ ਇੱਕ ਪੁੱਤਰੀ ਹਨ । ਮਠਾੜੂ ਪਰਿਵਾਰ ਤੋਂ ਮਿਲੀ ਜਾਣਕਾਰੀ ਦੇ ਅਨੁਸਾਰ ਮਾਤਾ ਸੁਰਜੀਤ ਕੌਰ ਜੀ ਦੇ ਨਮਿਤ ਸ੍ਰੀ ਸਹਿਜ ਪਾਠ ਸਾਹਿਬ ਜੀ ਦੇ ਭੋਗ ਅਤੇ ਅੰਤਿਮ ਅਰਦਾਸ 6 ਮਈ ਦਿਨ ਮੰਗਲਵਾਰ ਦੁਪਹਿਰ 12 ਤੋਂ 1 ਵਜੇ ਗੁਰਦੁਆਰਾ ਸਿੰਘ ਸਭਾ ਅਕਾਲ ਸਾਹਿਬ, ਪ੍ਰਤਾਪ ਨਗਰ ਗਲੀ ਨੰਬਰ 1, ਲੁਧਿਆਣਾ ਵਿਖੇ ਪਾਏ ਜਾਣਗੇ। ਪਰਿਵਾਰ ਵੱਲੋਂ ਰਿਸ਼ਤੇਦਾਰਾਂ ਤੇ ਸਕੇ ਸਬੰਧੀਆਂ ਨੂੰ ਭੋਗ ਅਤੇ ਅੰਤਿਮ ਅਰਦਾਸ ਵਿੱਚ ਸ਼ਾਮਿਲ ਹੋਣ ਦੀ ਬੇਨਤੀ ਕੀਤੀ ਗਈ ਹੈ ।

ਮੰਗਾਂ ਮੰਨਣ ਦੇ ਭਰੋਸੇ ਪਿੱਛੋਂ ਪੰਜਾਬ ਦੇ ਮਿੱਡ-ਡੇ-ਮੀਲ ਕੁੱਕਾਂ ਨੇ ਭਲਕੇ ਤੋਂ ਕੀਤੀ ਜਾਣ ਵਾਲੀ ਹੜਤਾਲ ਦਾ ਫੈਸਲਾ ਅਜੇ ਟਾਲਿਆ।
ਤਨਖਾਹ ਵਧਾਉਣ ਸਬੰਧੀ ਫੈਸਲੇ ਬਾਰੇ 6 ਮਈ ਤੱਕ ਦੱਸਿਆ ਜਾਵੇਗਾ, ਫੈਸਲਾ ਨਾ ਹੋਣ ਤੇ ਲੁਧਿਆਣਾ ਵਿਖੇ ਹੋਵੇ ਸੂਬਾ ਪੱਧਰੀ ਰੈਲੀ –ਕਰਮਚੰਦ ਚਿੰਡਾਲੀਆ
ਸਮਰਾਲਾ, 30 ਅਪ੍ਰੈਲ (  ਵਰਿੰਦਰ ਸਿੰਘ ਹੀਰਾ)  ਮਿੱਡ-ਡੇ-ਮੀਲ ਕੁੱਕ ਯੂਨੀਅਨ ਇੱਕ ਵਫਦ ਮਿੰਨੀ ਸੈਕਟਰੀਏਟ ਚੰਡੀਗੜ੍ਹ ਵਿਖੇ ਜਨਰਲ ਮੈਨੇਜਰ ਬਰਿੰਦਰ ਸਿੰਘ ਬਰਾੜ ਅਤੇ ਸੂਬਾ ਪ੍ਰਧਾਨ ਕਰਮਚੰਦ ਚਿੰਡਾਲੀਆ ਦੀ ਅਗਵਾਈ ਹੇਠ ਗਰੀਸ਼ ਦਿਆਲ ਡਾਇਰੈਕਟਰ ਜਨਰਲ ਆਫ ਸਕੂਲ ਐਜੂਕੇਸ਼ਨ (ਡੀ. ਜੀ. ਐਸ. ਈ.) ਨੂੰ ਮਿਲਿਆ ਅਤੇ ਮੀਟਿੰਗ ਕੀਤੀ ਗਈ। ਮੀਟਿੰਗ ਦੌਰਾਨ ਮਿੱਡ-ਡੇ-ਮੀਲ ਕੁੱਕ ਦੀਆਂ ਹੱਕੀ ਮੰਗਾਂ ਨੂੰ ਸਰਕਾਰ ਵੱਲੋਂ ਅਣਗੌਲਿਆ ਕਰਨ ਦੀ ਚਰਚਾ ਕੀਤੀ ਗਈ ਅਤੇ ਲੰਬਤ ਮੰਗਾਂ ਮੰਨਣ ਤੇ ਜੋਰ ਪਾਇਆ ਗਿਆ। ਮੀਟਿੰਗ ਦੌਰਾਨ ਸਰਕਾਰ ਵੱਲੋਂ ਬਦਲਵੇਂ ਪ੍ਰਬੰਧਾਂ ਲਈ ਮਿਹਨਤਾਨਾ ਦੇਣ ਸਬੰਧੀ ਮੰਗ ਮੰਨ ਲਈ ਗਈ ਅਤੇ ਬਾਕੀ ਮੰਗਾਂ ਵੀ ਜਲਦੀ ਪੂਰੀਆਂ ਕਰਨ ਦਾ ਭਰੋਸਾ ਦਿਵਾਇਆ। ਡੀ. ਜੀ. ਐਸ. ਈ. ਨੇ ਮਿੱਡ-ਡੇ-ਮੀਲ ਕੁੱਕਾਂ ਦੀਆਂ ਤਨਖਾਹਾਂ ਸਬੰਧੀ ਹਾਂ ਪੱਖੀ ਹੁੰਗਾਰਾ ਭਰਦੇ ਹੋਏ ਕਿਹਾ ਇਸ ਸਬੰਧੀ ਫੈਸਲਾ 6 ਮਈ ਤੱਕ ਦਾ ਭਰੋਸਾ ਦਿਵਾਇਆ। ਇੱਥੇ ਇਹ ਵੀ ਜਿਕਰਯੋਗ ਹੈ ਤਨਖਾਹਾਂ ਦੇ ਵਾਧੇ ਸਬੰਧੀ ਮੰਗ ਨੂੰ ਲੈ ਕੇ ਪੰਜਾਬ ਭਰ ਦੇ ਸਮੂਹ ਮਿੱਡ-ਡੇ-ਮੀਲ ਕੁੱਕਾਂ ਵੱਲੋਂ ਇੱਕ ਮਈ ਤੋਂ ਸਕੂਲਾਂ ਵਿੱਚ ਖਾਣਾ ਨਾ ਬਣਾਉਣ ਦਾ ਫੈਸਲਾ ਲੈ ਕੇ ਹੜਤਾਲ ਤੇ ਚਲੇ ਜਾਣ ਦਾ ਫੈਸਲਾ ਕੀਤਾ ਸੀ। ਸੂਬਾ ਪ੍ਰਧਾਨ ਚਿੰਡਾਲੀਆ ਨੇ ਦੱਸਿਆ ਕਿ ਪੰਜਾਬ ਸਰਕਾਰ ਵੱਲੋਂ ਮੰਗਾਂ ਮੰਨਣ ਦੇ ਭਰੋਸੇ ਪਿੱਛੋਂ ਅਤੇ ਪੰਜਾਬ ਭਰ ਦੇ ਸਰਕਾਰੀ ਸਕੂਲਾਂ ਵਿੱਚ ਲਗਭਗ 16 ਲੱਖ ਬੱਚਿਆਂ ਦੇ ਬਣਦੇ ਖਾਣੇ ਨੂੰ ਧਿਆਨ ਵਿੱਚ ਰੱਖਦੇ ਹੋਏ ਇੱਕ ਮਈ ਤੋਂ ਕੀਤੀ ਜਾਣ ਵਾਲੀ ਹੜਤਾਲ ਅਜੇ ਟਾਲ ਦਿੱਤੀ ਗਈ ਹੈ, ਦੂਸਰਾ ਤਨਖਾਹਾਂ ਦੇ ਵਾਧੇ ਸਬੰਧੀ ਸਰਕਾਰ ਵੱਲੋਂ 6 ਮਈ ਤੱਕ ਦਾ ਸਮਾਂ ਮੰਗਿਆ ਹੈ, ਜੇਕਰ ਸਰਕਾਰ ਨੇ 6 ਮਈ ਤੱਕ ਮਿੱਡ-ਡੇ-ਮੀਲ ਕੁੱਕਾਂ ਦੀ ਤਨਖਾਹ ਵਿੱਚ ਕੋਈ ਵਾਧਾ ਨਾ ਕੀਤਾ ਤਾਂ ਇਸ ਉਪਰੰਤ ਲੁਧਿਆਣਾ ਵਿਖੇ ਸੂਬਾ ਪੱਧਰੀ ਵੱਡੀ ਰੈਲੀ ਕੀਤੀ ਜਾਵੇਗੀ, ਜਿਸ ਵਿੱਚ ਭਵਿੱਖੀ ਸੰਘਰਸ਼ ਦੇ ਫੈਸਲੇ ਲਏ ਜਾਣਗੇ। ਵਫਦ ਵਿੱਚ ਉਪਰੋਕਤ ਤੋਂ ਇਲਾਵਾ ਮਮਤਾਜ ਘੁੰਗਰਾਣਾ ਸੂਬਾ ਜਨਰਲ ਸਕੱਤਰ, ਰਿੰਕੀ ਖਜਾਨਚੀ, ਪਰਮਜੀਤ ਕੌਰ ਸਕੱਤਰ ਪੰਜਾਬ, ਕਮਲਜੀਤ ਕੌਰ ਸਹਾਇਕ ਸਕੱਤਰ ਪੰਜਾਬ, ਸ਼ਾਮਾ ਜਨਰਲ ਸਕੱਤਰ ਮੋਹਾਲੀ ਵੀ ਸ਼ਾਮਲ ਸਨ।

ਭਗਵਾਨ ਪਰਸ਼ੂ ਰਾਮ ਜੈਅੰਤੀ ਮੌਕੇ ਵੱਡੀ ਗਿਣਤੀ ਵਿੱਚ ਭਗਤਾਂ ਵੱਲੋਂ ਪੂਜਾ ਅਰਚਣਾ ਕੀਤੀ ਗਈ।

ਸਮਰਾਲਾ, 29 ਅਪਰੈਲ ( ਵਰਿੰਦਰ ਸਿੰਘ ਹੀਰਾ ) ਸ੍ਰੀ ਬ੍ਰਾਹਮਣ ਸਭਾ (ਰਜਿ:) ਸਮਰਾਲਾ ਅਤੇ ਬ੍ਰਾਹਮਣ ਸਭਾ ਯੁਵਾ ਮੋਰਚਾ ਸਮਰਾਲਾ ਵੱਲੋਂ ਸਾਂਝੇ ਤੌਰ ਤੇ ਸ੍ਰੀ ਭਗਵਾਨ ਪਰਸ਼ੂਰਾਮ ਜੈਅੰਤੀ ਸਥਾਨਕ ਦੁਰਗਾ ਮੰਦਿਰ ਵਿਖੇ ਬੜੀ ਸ਼ਰਧਾ ਤੇ ਉਲਾਸ ਨਾਲ ਮਨਾਈ ਗਈ। ਸ੍ਰੀ ਬ੍ਰਾਹਮਣ ਸਭਾ ਹਲਕਾ ਸਮਰਾਲਾ ਦੇ ਪ੍ਰਧਾਨ ਇੰਸ: ਮੰਗਤ ਰਾਏ ਪ੍ਰਭਾਕਰ ਅਤੇ ਪ੍ਰਵੀਨ ਕੁਮਾਰ ਪ੍ਰਧਾਨ ਬ੍ਰਾਹਮਣ ਸਭਾ ਯੁਵਾ ਮੋਰਚਾ ਨੇ ਦੱਸਿਆ ਕਿ ਸਵੇਰ ਮੌਕੇ ਪਰਸ਼ੂ ਰਾਮ ਜੀ ਦੀ ਮੂਰਤੀ ਨੂੰ ਇਸ਼ਨਾਨ ਕਰਵਾ, ਪੂਜਾ ਅਰਚਨਾ ਕੀਤੀ ਗਈ। ਇਸ ਉਪਰੰਤ ਹਵਨ ਕੀਤਾ ਗਿਆ। ਇਕੱਤਰ ਹੋਏ ਸ਼ਰਧਾਲੂਆਂ ਨੂੰ ਵੱਖ ਵੱਖ ਬੁਲਾਰਿਆਂ ਜਿਨ੍ਹਾਂ ਵਿੱਚ ਮਾ. ਕਲਭੂਸ਼ਣ ਸ਼ਰਮਾ, ਡਾ. ਅਸ਼ੋਕ ਕੁਮਾਰ ਸਲਵਾਨ, ਪਰਮਜੀਤ ਸ਼ੁਕਲਾ ਜਨਰਲ ਸਕੱਤਰ ਨੇ ਭਗਵਾਨ ਪਰਸ਼ੂ ਜੀ ਵਿਸ਼ਨੂੰ ਜੀ ਦੇ ਛੇਵੇਂ ਅਵਤਾਰ ਹਨ, ਇਨ੍ਹਾਂ ਦੇ ਪਿਤਾ ਜਮਦਗਨੀ ਰਿਸ਼ੀ ਅਤੇ ਮਾਤਾ ਰੇਣੂਕਾ ਸਨ। ਪਰਸ਼ੂ ਰਾਮ ਜੀ ਚ੍ਰਿਨਜੀਵੀ ਹਨ, ਭਾਵ ਆਮ ਅਵਤਾਰ ਆਪਣਾ ਕਾਰਜ ਕਰਕੇ ਅਲੋਪ ਹੋ ਜਾਂਦੇ ਹਨ, ਪ੍ਰੰਤੂ ਪਰਸ਼ੂ ਰਾਮ ਜੀ ਅੱਜ ਵੀ ਬ੍ਰਹਿਮੰਡ ਵਿੱਚ ਭ੍ਰਮੰਡ ਕਰ ਰਹੇ ਹਨ। ਵੱਖ ਵੱਖ ਬੁਲਾਰਿਆਂ ਨੇ ਭਗਵਾਨ ਪਰਸ਼ੂ ਰਾਮ ਜੀ ਦੇ ਜੀਵਨ ਤੇ ਹੋਰ ਵੀ ਚਾਨਣ ਪਾਇਆ। ਬੁਲਾਰਿਆਂ ਨੇ ਪੰਜਾਬ ਸਰਕਾਰ ਤੋਂ ਇਹ ਵੀ ਮੰਗ ਕੀਤੀ ਕਿ ਬ੍ਰਾਹਮਣ ਸਮਾਜ ਨੂੰ ਵੀ ਆਰਥਿਕ ਅਧਾਰ ਤੇ ਰਾਖਵੇਂਕਰਨ ਵਿੱਚ ਸ਼ਾਮਲ ਕਰੇ। ਇਸ ਉਪਰੰਤ ਕੀਰਤਨ ਮੰਡਲੀਆਂ ਦੁਆਰਾ ਭਗਵਾਨ ਪਰਸ਼ੂਰਾਮ ਜੀ ਦੀ ਆਰਤੀ ਕੀਤੀ ਗਈ। ਇਸ ਮੌਕੇ ਸ੍ਰੀ ਬ੍ਰਾਹਮਣ ਸਭਾ ਪੰਜਾਬ ਦੇ ਜਨਰਲ ਸਕੱਤਰ ਸਵ: ਬਿਹਾਰੀ ਲਾਲ ਸੱਦੀ ਦੇ ਸਪੁੱਤਰ ਰਾਜੇਸ਼ ਕੁਮਾਰ ਸੱਦੀ ਵਿਸ਼ੇਸ਼ ਤੌਰ ਤੇ ਪਹੁੰਚੇ ਅਤੇ ਭਗਵਾਨ ਪਰਸ਼ੂ ਰਾਮ ਜੀ ਤੋਂ ਅਸ਼ੀਰਵਾਦ ਪ੍ਰਾਪਤ ਕੀਤਾ। ਇਸ ਮੌਕੇ ਹੋਰਨਾਂ ਤੋਂ ਇਲਾਵਾ ਕੁਲਭੂਸ਼ਨ ਸ਼ੁਕਲਾ ਸੀਨੀ: ਮੀਤ ਪ੍ਰਧਾਨ, ਮਨਦੀਪ ਕੌਰ ਮੀਤ ਪ੍ਰਧਾਨ, ਸੁਰਿੰਦਰ ਕੁਮਾਰ ਵਸਿਸ਼ਟ, ਸ੍ਰੀ ਵਾਲਮੀਕ ਪ੍ਰਬੰਧ ਕਮੇਟੀ ਦੇ ਅਹੁਦੇਦਾਰ, ਸ੍ਰੀ ਗੁਰੂ ਰਵਿਦਾਸ ਗੁਰਦੁਆਰਾ ਪ੍ਰਬੰਧਕ ਕਮੇਟੀ , ਅਕਾਊਂਟੈਂਟ ਐਸੋ: ਦਾਣਾ ਮੰਡੀ ਸਮਰਾਲਾ, ਰਮਨ ਵਡੇਰਾ ਪ੍ਰਧਾਨ ਸ਼ਿਵ ਸੈਨਾ, ਪਰਮਿੰਦਰ ਤਿਵਾੜੀ ਪ੍ਰਧਾਨ ਬਲਾਕ ਕਾਂਗਰਸ ਮਾਛੀਵਾੜਾ ਸਾਹਿਬ, ਯਸ਼ਪਾਲ ਮਿੰਟਾ, ਵਿਜੈ ਬੱਲੀ, ਐਡਵੋਕੇਟ ਗਗਨਦੀਪ ਸ਼ਰਮਾ, ਤਰਸੇਮ ਸ਼ਰਮਾ, ਨਵੀਨ ਕੁਮਾਰ, ਜੁਗਲ ਕਿਸ਼ੋਰ ਸਾਹਨੀ, ਮਨੋਜ ਕੁਮਾਰ, ਬਲਰਾਮ ਸ਼ਰਮਾ, ਹਰਨੇਕ ਸਿੰਘ, ਚੰਦਨ ਵਰਮਾ, ਪਰਮਜੀਤ ਸ਼ੁਕਲਾ ਜਨਰਲ ਸਕੱਤਰ, ਕੇਵਲ ਕ੍ਰਿਸ਼ਨ, ਬਾਬਾ ਜੱਗ ਨਾਥ, ਸੁਖਵਿੰਦਰ ਕੁਮਾਰ, ਅਰੁਣ ਕੁਮਾਰ ਭਾਰਦਵਾਜ ਕੈਸ਼ੀਅਰ, ਰਾਮਪਾਲ ਸ਼ਰਮਾ ਪ੍ਰੈਸ ਸਕੱਤਰ, ਇੰਦੂ ਸ਼ੇਖਰ ਭਾਰਦਵਾਜ, ਕਲਭੂਸ਼ਣ ਸ਼ਰਮਾ ਸੀਨੀ: ਮੀਤ ਪ੍ਰਧਾਨ, ਮਨਦੀਪ ਕੁਮਾਰ ਮੀਤ ਪ੍ਰਧਾਨ, ਹਰੀਸ਼ ਭਾਰਦਵਾਜ, ਵਰਿੰਦਰ ਅਗਨੀਹੋਤਰੀ, ਵਿਜੇ ਕੁਮਾਰ ਤਿਵਾੜੀ, ਅਦਿੱਤਿਆ ਪ੍ਰਭਾਕਰ, ਪ੍ਰਦੀਪ ਪ੍ਰਭਾਕਰ, ਰਾਜ ਕੁਮਾਰ ਸ਼ੁਕਲਾ, ਵਿਸ਼ਵ ਸ਼ਰਮਾ, ਫੂਲ ਚੰਦ ਪ੍ਰਭਾਕਰ, ਵੈਦ ਰਾਮੇਸ਼ ਕੁਮਾਰ ਨਾਗਰਾ, ਸੁਸ਼ੀਲ ਕੁਮਾਰ ਸ਼ੁਕਲਾ, ਸੰਦੀਪ ਚਾਨਣ, ਕਿਸ਼ੋਰੀ ਲਾਲ ਪਾਠਕ, ਗਗਨ ਸ਼ਰਮਾ, ਪੰਡਿਤ ਸ਼ਿਵ ਕੁਮਾਰ ਸਾਸ਼ਤਰੀ, ਸੰਦੀਪ ਕਾਲਾ, ਨਵਨੀਤ ਚਾਨਣ, ਉਮਾ ਕਾਂਤ, ਪੰਡਿਤ ਰੂਪ ਚੰਦ, ਰਾਕੇਸ਼ ਕੁਮਾਰ, ਗੁਰਮੁੱਖ ਸਿੰਘ, ਗੁਰਮੇਲ ਸਿੰਘ, ਨਵੀ ਤਿਵਾੜੀ, ਕਿਸ਼ੋਰੀ ਲਾਲ ਪਾਠਕ, ਵਿੱਕੀ ਜੋਧਵਾਲ, ਵਿੱਕੀ ਵਡੇਰਾ, ਲੱਖਪਤ ਰਾਏ, ਮੱਟੂ, ਸਚਿਨ ਚਹਿਲਾਂ, ਹੇਮੰਤ ਪ੍ਰਭਾਕਰ, ਰਾਜ ਕੁਮਾਰ ਸ਼ੁਕਲਾ, ਜੀਤਾ ਸਰਵਰਪੁਰ, ਅਸ਼ਵਨੀ ਪਟਵਾਰੀ ਆਦਿ ਹਾਜਰ ਸਨ। ਇਸ ਮੌਕੇ ਭਗਵਾਨ ਪਰਸ਼ੂਰਾਮ ਦਾ ਲੰਗਰ ਦਾ ਭੰਡਾਰਾ ਸੰਗਤ ਵਿੱਚ ਵਰਤਾਇਆ ਗਿਆ।